நீரியல் துறையில் ஒத்துழைப்பையும் திறன் மேம்பாட்டையும் நோக்கமாகக் கொண்டு, இலங்கைக்கான பிரான்ஸ் தூதரகத்தின் கடல்சார் பாதுகாப்பு மற்றும் பாதுகாப்பு விவகாரங்களுக்கான ஆலோசகரான லெப்டினன்ட் கொமாண்டர் புளோரியன் பூவெனோ (Florian Bouveno), லெப்டினன்ட் கொமாண்டர் காபின் சோகார்ப் (Gabin Sogorb) மற்றும் பிரான்ஸ் நீரியல் மற்றும் கடல்சார் ஆய்வுச் சேவையின் மூலோபாய மற்றும் அபிவிருத்திப் பிரிவைச் சேர்ந்த Berenice Lequesne ஆகியோர் 22.10.2026 அன்று கொழும்பிலுள்ள இலங்கை தேசிய நீரியல் அலுவலகத்திற்கு விஜயம் செய்தனர்.
இந்த விஜயத்தின் போது, பிரான்ஸ் தூதுக்குழுவினர் தேசிய நீரியல் சபையின் தலைவர் ஓய்வுபெற்ற ரியர் அட்மிரல் எஸ். ஜயக்கொடி, கடற்படையின் நீரியல் பிரிவின் பிரதானியான ரியர் அட்மிரல் தம்மிக்க விஜேவர்தன மற்றும் தேசிய நீரியலாளரான ஓய்வுபெற்ற ரியர் அட்மிரல் கோசல வர்ணகுலசூரிய ஆகியோருடன் கொழும்பிலுள்ள இலங்கை தேசிய நீரியல் அலுவலகத்தில் உத்தியோகபூர்வ சந்திப்பொன்றில் ஈடுபட்டனர்.
இதன் போது, நீரியல் துறையில் ஒத்துழைப்பு, திறன் மேம்பாடு மற்றும் தொழில்நுட்ப அறிவுப் பரிமாற்றம் உள்ளிட்ட இருதரப்பினருக்கும் முக்கியத்துவம் வாய்ந்த பல்வேறு விடயங்கள் தொடர்பில் இரு தரப்பினரும் கருத்துகளைப் பரிமாறிக்கொண்டனர்.
இக் கலந்துரையாடலில் கடற்படையின் நீரியல் சேவையைச் சேர்ந்த அதிகாரிகள் குழுவினரும் கலந்துகொண்டனர்
நிகழ்வை நினைவுகூரும் வகையில் நினைவுச் சின்னங்களும் பரிமாறிக்கொள்ளப்பட்டன.
இச் செய்தியினை ஏனையவர்களுக்கும் பகிர….👇👇
